༄༅།།མཚོ་སྔོན་ཞིང་ཆེན་གྱི་སྐབས་དྲུག་པའི་གྲངས་ཉུང་མི་རིགས་ཀྱི་སྲོལ་རྒྱུན་ལུས་རྩལ་འགྲན་
ཚོགས་འགོ་ཚུགས་པ།

     “ལོ་བཞི་རེར་སྐབས་རེ་འཚོག་པའི་མི་རིགས་ལུས་རྩལ་འགྲན་ཚོགས་ནི་མཚོ་སྔོན་ཞིང་ཆེན་གྱི་ཚད་གཞི་མཐོ་ཤོས་དང་གཞི་ཁྱོན་ཆེ་ཤོས་ཀྱི་ཕྱོགས་བསྡུས་རང་བཞིན་གྱི་མི་རིགས་ལུས་རྩལ་གྱི་སྟོན་མོ་ཞིག་ཡིན་ལ། མི་རིགས་ལུས་རྩལ་འཕེལ་རྒྱས་ཀྱི་གྲུབ་འབྲས་ལ་གཟིགས་ཞིབ་དང་། དམངས་ཡོངས་ལུས་སྦྱོང་བྱེད་སྒོ་ཡོངས་ཁྱབ། མི་རིགས་ཁག་གི་མང་ཚོགས་ཀྱི་བརྩེ་སེམས་ཟབ་གཏོང་། ཕུལ་བྱུང་གི་སྲོལ་རྒྱུན་རིག་གནས་དར་སྤེལ་གཏོང་བའི་ལས་སྟེགས་གལ་ཆེན་ཞིག་ཀྱང་རེད”ཅེས་མཚོ་ལྷོ་བོད་རིགས་རང་སྐྱོང་ཀྲོའུ་ཡི་ཀྲོའུ་ཀྲང་བསོད་ནམས་དོན་གྲུབ་ཀྱིས་དེ་ལྟར་བརྗོད།
     མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་གྱི་ཀྲུའུ་རེན་མཁས་པས་མི་རིགས་ཀྱི་སྲོལ་རྒྱུན་ལུས་རྩལ་ནི་ཀྲུང་ཧྭ་མི་རིགས་ཀྱི་སྲོལ་རྒྱུན་རིག་གནས་ཀྱི་གྲུབ་ཆ་གལ་ཆེན་ཞིག་ཡིན། མཚོ་སྔོན་ཞིང་ཆེན་གྱི་མི་རིགས་ལུས་རྩལ་འགྲན་ཚོགས་འཚོགས་ནས་ལོ་20ཡི་རིང་མི་རིགས་མཐུན་སྒྲིལ་ཡར་ཐོན་ལ་སྐུལ་མ་ནུས་ལྡན་བྱུང་ནས་མི་རིགས་རིག་གནས་སྲུང་སྐྱོབ་དང་རྒྱུན་འཛིན་ལ་སྐུལ་འདེད་ཤུགས་ཆེན་ཐེབས་ཡོད་ཅེས་བཤད། 【1】  【2】  【3】